Yüksək keyfiyyətli məhsul hər bir bazarda həmişə tələb olunandır
19 oktyabr 2026
Andrey Plevako, "H.ÖSTBERG AB" şirkətinin satış üzrə meneceri
Şirkətimiz havalandırma avadanlıqlarının istehsalı ilə məşğuldur. Əsas məhsul çeşidimizə ventilyatorlar, əsasən kompakt tipli sorucu qurğular və digər müvafiq sistemlər daxildir. Bu sahədə uğurlu təcrübə toplamışıq və fəaliyyət coğrafiyamızı addım-addım genişləndiririk. Lakin hazırda Azərbaycanda dilerlərimiz yoxdur və əməkdaşlıq nöqteyi-nəzərindən hələ ki qarşılıqlı əlaqələrimiz olmayıb. Bu səbəbdən məhsullarımızın satışı üçün potensial tərəfdaşlar tapmaq, yerli bazarın imkanlarını və potensialını qiymətləndirmək məqsədilə "Aquatherm Baku" sərgisinə gəlmişəm. Müasir peşəkar sərgilər, onlayn görüşlərdən fərqli olaraq, ilk növbədə canlı ünsiyyət və şəxsi təmaslar yaratmaq imkanı verir. Əlbəttə ki, yeni əlaqələr qurmaq da həmişə faydalıdır!
Bir ziyarətçi kimi əsas diqqətim distribütor qismində çıxış edə biləcək yerli şirkətlərə yönəlib. Müşahidə edirəm ki, dil, mentalitet və mədəniyyət yaxınlığı sayəsində Türkiyə şirkətləri ilə ənənəvi olaraq sıx əməkdaşlığınız mövcuddur. Rəqabət baxımından hələ ki qəti nəticə çıxarmaq tezdir, lakin razılaşaq ki, hər bir halda keyfiyyətli Avropa məhsulu istənilən bazarda layiqincə rəqabət aparmaq gücünə malikdir.
Mən Bakıda heç vaxt olmamışam və deyə bilərəm ki, şəhəriniz məndə çox müsbət təəssürat yaratdı. Şəhərdə qədim və müasir memarlıq ənənələrinin effektiv sintezi özünü göstərir ki, bu da zəngin mədəni nailiyyətləri vurğulayır. Bizim — təchizatçıların üzərində işləməli olduğu aydın görünən imkanlar var. Sadəcə düzgün kanalları tapmaq və uğurlu marketinq siyasəti formalaşdırmaq lazımdır. Düşünürəm ki, bu sərgi həmin hədəflərə çatmağımıza böyük töhfə verəcək.
AZ
EN
RU
ZH
