Mehrab Bağırov, Bakı Metro Layihə İnstitutunun mühəndisi
- Məni “Aquatherm” sərgisinə həm şəxsi, həm də peşə marağı gətirib. Layihə institutunun əməkdaşı və sənaye ilə birbaşa əlaqəsi olan insan kimi, məni və burada olan həmkarlarımı ilk növbədə tikinti materialları və müxtəlif növ avadanlıqlar (havalandırma, istilik, kondisioner və su təchizatı sistemləri və s.) maraqlandırırdı.
Əminliklə deyə bilərəm ki, bu sərgi çoxillik təcrübəmizi daha da zənginləşdirdi. Əvvəla, biz burada bir çox maraqlı informasiya əldə etdik. Məsələn, bir sıra innovativ material və sistemlər ilə məhz burada tanış olduq. Tərəqqi daim baş verən prosesdir və hər il sərgini ziyarət etməyimizə baxmayaraq, bu il yeni və daha müasir avadanlıq və sistemlər ilə tanış olduq. Şəxsi marağıma gəlincə isə mən öz evim üçün “Artel” markalı istilik texnikası ilə maraqlandım.
Ümumiyyətlə, sərgi çox xoş təəssürat yaratdı və düşünürəm ki, belə sərgilərin keçirilməsi zəruridir və tərəqqi istiqamətində irəliləməyimizə öz töhfəsini verir.
AZ
EN
RU
ZH
