Ayaz Nəzərov, icraçı direktor, TurnEast Construction
Mütəmadi olaraq “Aquatherm Baku” sərgisinə baş çəkərək onun inkişafı fonunda belə bir nəticəyə gəlirəm ki, bu forum hidrotexniki sahənin inkişafını beynəlxalq miqyasda uğurla əks etdirir. İnşaat sənayesinin peşəkarları burada xarici innovasiyaları təhlil etməklə yanaşı, müasir mənzilin modernləşdirilməsi barədə dialoqlarda iştirak edir, hidroinşaatçın yeni konstruktiv prinsipini axtarırlar. Ən əsası isə budur ki, təqdim edilən ekspozisiyalar böyük şəhərdə rahat yaşayış formaları ilə bağlıdır.
Mənin memar və inşaatçı dostlarım burada XXI əsrin ən müasir mənzil konsepsiyalarını müqayisə etmək imkanı əldə edirlər. Ev kommunikasiyadan başlayır, buna görə də o, əlbəttə, istənilən cəhətdən rahat və etibarlı olmalıdır. Ümumiyyətlə, kondisionerləşdirmə sistemləri, istilik sistemləri, istilik izolyasiya materialları, ətraf mühitin texnoloji mühafizəsi və günəş enerjisini toplayan məhsullar fonunda bu sərgini çox bəyəndim.
Ümidvaram ki, tədbir gələcəkdə daha rəngarəng olacaq, yeni inkişaf impulsu qazanacaq və biz burada yeni sənaye istehsalçıları və bazarın aparıcı iştirakçıları ilə ünsiyyət qura biləcəyik.
AZ
EN
RU
ZH
